Dawa za asili za kutibu chunusi sugu

Chuja mchanganyiko wako tayari kwa matumizi ya kunywa, vilevile unaweza kuchanganya na asali au sukari ili kupata radha nzuri.

Kwa matumizi ya kunywa tumia mililita 150 mara 2 hadi 3 kwa siku.

03: Mimea tiba ya Kitunguu saumu na karafuu

Unaweza kutumia mmojawapo kati ya mimea hii ingawa mchanganyiko wa mimea hii unashauriwa zaidi. Mimea yote hii ina uwezo wa kuangamiza bakteria wanaosababisha chubusi.

Unaweza kutumia kwa kupaka au kunywa.

Kwa kupaka, changanya unga wa karafuu na Kitunguu saumu kilichopondwa kisha paka maeneo yaliyoathirika.

Kwa matumizi ya kunywa, changanya karafuu na Kitunguu saumu katika maji ya vuguvugu kisha chuja ili kupata juisi safi. Tumia mililita 100 ya mchanganyiko huu mara 3 kwa siku.

Vilevile unaweza kutumia mafuta ya mimea hii kwa kupaka, changanya tone 1 la mafuta ya karafuu na Kitunguu saumu kisha paka sehemu iliyoathiriwa na chunusi.

04: Matumizi ya limao

Limao ni tunda lenye vitamini nyingi mojawapo ni vitamini A. Dawa zote kubwa za kisasa za kutibu chunusi zimeundwa na vitamini A.

Kama hutaki kutumia dawa hizo basi limao ni mbadala dhabiti wa dawa hizo.

Tumia juisi ya tunda hili kupaka eneo lililoathirka mara 2 hadi 3 kwa siku.

05: Matumizi ya udongo laini (clay)

Mafuta ni moja ya sababu kubwa za chunusi, kudhibiti kiwango cha mafuta katika ngozi ndio shabaha kuu ya kutibu chunusi.

Udongo laini ni moja ya vitu vinavyoweza kukusaidia kufyonza mafuta ya ziada katika ngozi yako. Tengeneza mask kavu ya udongo kisha paka maeneo yaliyoathiriwa na chunusi.

Ili kuongeza ufanisi unaweza kuchanganya mask ya udongo na unga wa mmea tiba wowote kati ya hizi zilizotajwa katika makala hii.

06: Mmea tiba wa Chamomile

Mmea huu una kemikali za Apigenin ambazo hudhaniwa kuwa na uwezo mkubwa wa kupunguza uvimbe.

Matumizi ya mafuta ya mmea huu kwa kupaka ni msaada mkubwa kwa magonjwa mbalimbali ya ngozi ikiwemo chunusi.

Mbali na mafuta yake kutumika kwa kupaka, majani ya mmea huu pia yanaweza kutumika kwa ajili ya kuoga au kujifukiza.

07: Mmea tiba wa Chaste Berry

Ni miongoni mwa mimea michache ambayo hudhibiti utengenezwaji wa homoni za uzazi.

Mbali na kusaidia kutibu chunusi, Chaste Berry ni mmea muhimu kwa wanawake hasa wanaosumbuliwa na matatizo ya hedhi kwa sababu za homoni.

08: Mmea tiba wa Chinese Skullcap

Huu ni miongoni mwa mmea ambao hutumiwa zaidi kwenye bidhaa za vipodozi vya kutibu magonjwa mbalimbali ya ngozi.

Mmea huu una uwezo wa kupunguza uvimbe vilevile kuangamiza bakteria wa chunusi.

09: Mmea tiba wa Licorice

Mmea mwingine ambao hudhibiti kutengenezwa kwa homoni za uzazi ni Licorice.

Mizizi ya mmea huu ina kemikali ya Glycyrrhizin ambayo hufanya kazi sawa na dawa za kisasa za kuondoa uvimbe za kundi la corticosteroids.

Mizizi ndio sehemu ambyo hutumika zaidi, unaweza kutengenezwa losheni, cream au ointment kutokana na unga wa mizizi ya mmea huu.

10: Mmea tiba wa Echinacea

Moja ya tiba zenye ufanisi wa hali ya juu ya kutibu magonjwa ya ngozi ni mmea huu wa Echinacea.

Mmea huu hutumiwa zaidi kwa kunywa ambapo mizizi ya mmea huu huchemshwa katika maji kwa muda usiopungua dakika 20.

Vilevile unaweza kutumia mmea huu kwa kuoga au kupaka katika ngozi.

Mimea tiba mengineyo ya kutibu chunusi ni pamoja na;

• Slippery elm (Ulmus rubra)
• Asali
• Myrrh (Commiphora molmol)
• Dandelion (Taraxacum officinale)
• Comfrey (Symphytum officinale)
• Oregon Grape Root
• Witch Hazel
• Lavender (Lavandula officinalis)
• Ashwagandha (Withania somnifera)

Mimea tiba katika makala hii inaweza kuandaliwa kwa namna tofauti. Ikiwa unatamani kuanza kutumia mimea tiba hii hakikisha unapata maelezo sahihi ya namna gani ya kuandaa mimea tiba hii.

Bila kujali aina ya njia unayotumia, mimea tiba yote hii inaweza kuchanganywa na asali kwa sababu kuu 2,

• kwanza ni kuimarisha utendaji kazi tiba husika, 
• lakini pia asali husaidia kuhifadhi dawa zako ulizotengeneza zisiharibiwe na wadudu hasa zile ambazo umetumia maji kuziandaa. 

Lishe muhimu kwa watu wenye chunusi

Kuzingatia lishe sahihi ni moja ya njia bora za kupambana na chunusi. Baadhi ya vyakula muhimu na vya lazima kwa wagonjwa wa chunusi ni pamoja na;

• Tumia vyakula vyenye au virutubisho vya Vitamini A
• Vyakula au virutubisho vya Vitamini C kwa wingi
• Vyakula vyenye madini joto ya Zinc
• Tumia vyakula vyenye vitamini B6 kwa wingi hasa wanawake

Hitimisho

Hizi ni baadhi ya dawa asili za kutibu chunusi. Orodha hii imezingatia utafiti wa kina wa hivi karibuni, hata hivyo orodha hii si chaguo la mwisho.

Kuna mitishamba na vyakula vya aina nyingi tofauti ambavyo havijaorodheshwa katika makala hii lakini vina msaada mkubwa katika kutibu chunusi.

Kutibu chunusi kuna changamoto nyingi, hasa unapotumia dawa za asili. Njia asili za kutibu chunusi mara nyingi huanza kuonyesha matokeo chanya kati ya wiki 3 hadi 5 baada ya kuanza kuzitumia.

Hakuna matokeo ya siku moja, weka nia na kuwa na muendelezo mzuri wa matumizi ya njia hizi zitakusaidia.